10-класстын окуучулары арасында коррупцияга каршы туруу темасында маалыматтык-агартуу иштери жүргүзүлдү
Ысык-Көл облусунун Түп районундагы А. Сопиев атындагы №19 "Тасма" жалпы билим берүү мектебинде 10-класстын окуучулары арасында коррупцияга каршы туруу темасында маалыматтык-агартуу иштери жүргүзүлдү. Иш-чаранын жүрүшүндө окуучуларга коррупция деген түшүнүк, анын коом үчүн терс кесепеттери, ошондой эле мыйзамдарды сактоонун, чынчылдыктын жана жоопкерчиликтин маанилүүлүгү тууралуу маалымат берилди.
Окуучулар талкууга катышып, коррупциялык көрүнүштөргө карата терс маанайды кантип калыптандыруу керектиги тууралуу маалымат алышты. Иш-чара окуучуларда укуктук маданиятты, жарандык жоопкерчиликти жана чынчылдык принциптерин тарбиялоого багытталган.
